1987 წლის გაზაფხულზე მდინარე რიონის ადიდებამ გამოიწვია მისი სანაპიროების დატბორა და იქ მდებარე დასახლებებისათვის დიდი ზიანის მიყენება.
      ჩვენი ინიციატივით ისრაელში დაუყოვნებლივ შეიქმნა “დასავლეთ საქართველოში წყალდიდობის შედეგად დაზარალებულთა დახმარების ფონდი”, გაზეთის “ალია საქართველოდან” რედაქციის და მასთან არსებული “ისრაელ-საქართველოს მეგობრობის რუსთაველის სახელობის საზოგადოების” აქტივისტთა ბაზაზე.
         დავიწყეთ თანხების შეგროვება, სკოლის მოსწავლეებიდან დაწყებული მოხუც პენსიონერებამდე, ყველა წირავდა ფულს, ვისაც რამდენი შეეძლო.
         გაზეთი “ალია” თავის ყველა ნომერში აქვეყნებდა შემოწირულ თანხასა და შემწირველთა სიას.
ფული ირიცხებოდა ფონდის სახელზე გახსნილ სპეციალურ საბანკო ანგარიშზე. საბოლოო ჯამში შეგროვილი ათი ათასობით დოლარი გადაერიცხა საქართველოს სახელნწიფო ბანკს წყალდიდობით დაზარალებულთა დასახმარებლად.
        ფონდის მოქმედების ჩარჩოებში ბათ-იამში ჩავატარეთ საქველმოქმედო კონცერტი, ხელოვნების მუშაკებს გასამრჯელო არ აუღიათ და ბილეთების გაყიდვით შემოსული მთელი თანხა ჩაირიცხა ფონდის ანგარიშზე.
         იხილეთ ბათ-იამის კინოთეატრ “აცმაუთში” ჩატარებული კონცერტის ვიდეოკადრები